NepalWatch

News Portal For Eeverything In Nepal from Nepal

२०७९ असोज २० गते

बञ्चरेडाँडाको अवरोध हटाउन ३ बुँदे सहमति

काठमाडौं । काठमाडौं उपत्यकाको फोहर बञ्चरेडाँडा ल्याण्डफिल साइटमा फाल्न भइरहेको अवरोध अन्त्य गर्न बुधबार सहमति भएको छ ।

काठमाडौं, धादिङ र नुवाकोटका प्रमुख जिल्ला अधिकारी, धादिङको धुनिवेशी नगरपालिका, नुवाकोटको ककनी गाउँपालिकाका जनप्रतिनिधि र काठमाडौं महानगरपालिकाका प्रमुख प्रशासकीय अधिकृतको छलफलपछि बञ्चरेडाँडामा फोहर फाल्न अवरोध अन्त्य गर्ने ३ बुँदे सहमति भएको हो ।

गत २६ जेठमा भएको सहमति कार्यान्वयन गर्दै जाने सहमतिपछि फोहरको अवरोध अन्त्य भएको काठमाडौंका प्रजिअ गोविन्द रिजालले जानकारी दिए ।

फोहर बोक्ने गाडीले बाटोमा लिचेड चुहाउन नपाउने, बञ्चरेडाँडामा फोहर थुपारेको ठाउँमा गन्ध नआउने औषधि दैनिक छर्किनुपर्ने, जथाभावी फोहर खसाल्न नपाइनेलगायत विषयमा सहमति भएको छ ।

अब बिहीबारदेखि निर्वाध रुपमा फोहर व्यवस्थापनको बाटो खुलेको आशा व्यक्त गरिएको प्रजिअ रिजालले बताए ।

प्रचण्डलाई बालेनको प्रश्न : ककनीको बाटो यस्तो बनाउने ठेकेदारको घरमा कुन नैतिकताले बस्नुहुन्छ ?

ताजा अपडेट

नेपालवाच विशेष