NepalWatch

News Portal For Eeverything In Nepal from Nepal

२०८० चैत १६ गते

जापानमा कोरोनाको सातौं लहर, एकैदिन अढाइ लाख संक्रमित, बेड भरिभराउ

काठमाडौं । जापानमा एकै दिन दुई लाख ५५ हजार पाँच सय ३४ जनामा कोभिड–१९ को संक्रमण पुष्टि भएको छ ।

एकै दिन संक्रमण पुष्टि भएको यो अहिलेसम्मकै सबैभन्दा बढी संख्या हो । यसअघि एक दिनमा दुई लाख ५० हजार चार सय तीन जनामा उक्त सङ्क्रमण पुष्टि भएको थियो ।

कोभिडका कारण देशभर एकैदिनमा दुई सय ८७ जनाको मृत्यु भएको छ । टोकियो महानगरमा मात्र आज २७ हजार चार सय ५३ नयाँ सङ्क्रमित थपिएका छन् ।

जापानका स्वास्थ्य अधिकारीहरूले कोभिड–१९ को यो सातौ लहरले देशको स्वास्थ्य पद्दतिलाई दबाबमा पारेको र अस्पतालमा शय्या पाउन कठिन भएको बताएका छन् ।

यसैबीच, आज सिङ्गापुरमा तीन हजार पाँच सय ५३ जना नयाँ सङ्क्रमित भएका छन् । योसँगै सिङ्गापुरमा अहिलेसम्म सङ्क्रमितको सङ्ख्या १८ लाख नौ हजार दुई सय २१ पुगेको छ ।

त्यसैगरी आज उक्त सङ्क्रमणबाट पाँच जनाको मृत्यु भएको छ । स्वास्थ्य अधिकारीहरूका अनुसार कोभिड १९ बाट सिङ्गापुरमा हालसम्म एक हजार पाँच सय ७२ जनाको मृत्यु भएको छ ।

ताजा अपडेट

नेपालवाच विशेष