NepalWatch

News Portal For Eeverything In Nepal from Nepal

२०८० चैत १५ गते

चन्द्रावती वाग्लेको ‘शून्य छ जन्मेको घर बरिलै’ गीत सार्वजनिक

गण्डकी । गीतकार चन्द्रावती वाग्लेले ‘शून्य छ जन्मेको घर बरिलै’ गीत बजारमा सार्वजनिक भएकाे छ । उनकाे गीतमा नेपाली मौलिकताको तीजको झल्को दिएको छ नै समाजको वास्तविकतालाई पनि चित्रण गर्न खोजिएको छ ।

कृषिप्रधान मुलुकमा बाँझिदै गएका घरबारी चुनौतीका रुपमा देखिएको उल्लेख गर्दै तीनताका बाबुबाजेका पालाको घरपरिवार र समाज अहिले पाउन छोडिएको उल्लेख छ । भिडियोमा कलाकार तीर्थराज वाग्ले, विष्णुमाया भुर्तेल, सपना तिवारी र सुनिता नेपालीले अभिनय गरेका छन् भने भिडियोको निर्देशन, छायांकन, तथा सम्पादन शिवराज भुर्तेलले गरेका हुन् ।

दुःख गरेर जोगाएको सम्पत्तिको पछिल्लो पुस्ताले संरक्षण गर्न नखोजेको र सुख सुविधाका नाममा परिवार नै बोकेर सहर पस्ने गरेको प्रसङ्ग गीतमा उल्लेख गरिएको छ । पहिलोपटक २०७४ सालमा आइन छोरी गीत लिएर बजारमा आएकी गीतकार वाग्लेले त्यस बीचमा नरोए आमा, जागिरे नारीको पीडा भाग एक, गरिन गुनासो, जागीरे नारी भाग एक, सहरको सुविधा र म, दर्जा बेरोजगारको, आउ संगी रमाइलो गरौँ बरिलै आदि गीत ल्याएकी छन् । वाग्लेको हरिश्चन्द्र शोक काव्य २०७५ मा प्रकाशित भएको थियो ।