यी हुन् महाभियोग सिफारिस समितिमा एमालेले राखेका ३ फरक मत
काठमाडौं । प्रतिनिधिसभाको महाअभियोग सिफारिस समितिमा प्रमुख प्रतिपक्षी नेकपा (एमाले)ले फरक मत राखेको छ । आन्तरिक कार्यविधि र कार्यतालिका पारित गर्न बुधबार बसेको बैठकमा एमालेले तीन बुँदे फरक मत राखेको हो ।
सिफारिस समितिमा एमालेबाट प्रतिनिधित्व गर्ने सांसद विष्णु पौडेलले तीन बुँदे फरक मत राखेका हुन् ।
यी हुन् एमालेका तीन बुँदे फरक मत :
१. महाअभियोग प्रस्ताव प्रतिनिधिसभा सचिवालयमा दर्ता भएकोमा समितिमा पठाउन ढिलाइ गर्नुको कारण सभामुख अग्निप्रसाद सापकोटासँग माग गर्नुपर्ने ।
२. प्रतिनिधिसभा नियमावलीअनुसार महाअभियोगमाथि छानबिनका लागि समितिले तीन महिना समय पाउनुपर्नेमा नपाउने अवस्था आउनुको कारण माग गर्नुपर्ने ।
३. समितिको प्रतिवेदन संसद्मा पेस हुने र निर्णयार्थ पेस हुने सुनिश्चितता माग गर्नुपर्ने ।
फरक मत राख्ने सांसदहरूमा विष्णु पौडेल, लालबाबु पण्डित, शिवमाया तुम्बाहाङ्फे र कृष्णभक्त पोखरेल छन् ।
समितिले प्रधानन्यायाधीश चोलेन्द्रशमशेर राणालाई यही भदौ १५ गते बयानका लागि बोलाएको छ ।
महाभियोग लागेका प्रधानन्यायाधीश राणासँग संसदीय समितिले १५ गते बयान लिने
ताजा अपडेट
-
माथिल्लो अरुणको वित्तिय व्यवस्थापन विश्व बैंकले गर्ने करिब निश्चित
-
सरकारीमा कार्यरत चिकित्सकलाई निजीमा काम नगर्न आग्रह
-
कसरी गर्ने पदयात्राको तयारी ?
-
ग्लोबल आइएमई बैंकको नयाँ एक्सटेन्सन काउन्टर तुल्सीपुरस्थित मालपोत कार्यालयमा
-
धनुषामा मोटरसाइकलको ठक्करबाट पैदलयात्रीको मृत्यु
प्रतिक्रिया