काठमाडौं । नेपाली कांग्रेसको भ्रातृ संस्था, नेपाल विद्यार्थी संघले त्रिभुवन विश्वविद्यालयको समिति विघटन गरेको छ ।

नेविसंघ अध्यक्ष दुजाङ शेर्पाले आज विज्ञप्ति जारी गर्दै नेविसंघ त्रिवि समिति विघटन गरिएको बताए ।

उनले अब अधिवेशन गरिने जानकारी दिँदै भनेका छन्, ‘केन्द्रको निर्देशनविना अब नेविसंघ त्रिवि समितिले कुनै पनि विज्ञप्ति निकाल्न पाउने छैन ।’

नेविसंघलाई वैधानिक ढंगले मुर्तरूप दिन यथाशीघ्र केन्द्रीय प्रतिनिधि खटाइने उनले बताएका छन् ।

नेविसंघमा ३२ वर्षे उमेर हद लागेको छ ।