काठमाडौं । मुख्य प्रशिक्षक फर्नान्डो सान्तोषले युइएफ नेसन्स लिगअन्तर्गत चेक रिपब्लिक र स्पेनसँगका दुई खेलका लागि पोर्चुगिज राष्ट्रिय फुबटल टोली घोषणा गरेका छन् ।

सुपरस्टार क्रिस्टियानो रोनाल्डोको कप्तानीमा घोषणा भएको २६ सदस्यीय टोलीमा नाम चलेका केही खेलाडी भने अटाएका छैनन् । टोलीमा आन्द्रे सिल्भा, गोन्कालो गुइडेस, रेनाटो सान्चेजलगायत केही प्रमुख खेलाडी समावेश छैनन् ।

अघिल्लोपटक टोलीमा नरहेका जाओ फेलिक्सले यसपटक पुनरागमन गरेका छन् । रोनाल्डोसहित पेपे, बर्नार्डो सिल्भा, ब्रुनो फर्नान्जेज, रुबिन डियास, डिएगो जोटाजस्ता प्रमुख खेलाडी भने टोलीमा अटाएका छन् ।

नेसन्स लिगमा चेकसँगको पहिलो खेल पोर्चुगलले २४ सेप्टेम्बरमा खेल्नेछ । यस्तै, दोस्रो खेल चिरपरिचित प्रतिद्धन्द्धी स्पेनसँग २७ तारिखमा खेल्नेछ । यी दुवै खेललाई आगामी नोभेम्बरमा कतारमा सुरु हुने विश्वकपको अभ्यास खेलका रुपमा लिइएको छ ।

चेक र स्पेनसँगका दुई खेलपछि पोर्चुगलले कतार विश्वकपअघिको अन्तिम खेलस्वरुप नोभेम्बर १७ मा नाइजेरियासँग खेल्ने तालिका छ । यो मैत्रीपूर्ण खेल हुनेछ ।

यस्तो छ पोर्चुगलको टोली :

Diogo Costa, Jose Sa, Rui Patricio; Danilo Pereira, Diogo Dalot, Joao Cancelo, Tiago Djalo, Pepe, Ruben Dias, Nuno Mendes, Raphael Guerreiro; Joao Palhinha, Ruben Neves, Bernardo Silva, Bruno Fernandes, Joao Mario, Matheus Nunes, Vitinha, William Carvalho; Cristiano Ronaldo, Diogo Jota, Pedro Neto, Joao Felix, Rafa Silva, Ricardo Horta, Rafael Leao.

अर्जेन्टिनी टोलीमा नयाँ अनुहारलाई अवसर, यी चारजना भने अटेनन् (खेलाडीको सूचीसहित)