मनास्लुमा हिमपहिरो, उद्धारमा कठिनाइ
गोरखा । मनास्लु हिमालको तेस्रो र चौथो क्याम्पको बीचमा सोमबार हिमपहिरो गएको छ । खराब मौसमका कारण मनास्लु हिमालको हिपमहिरोमा फसेकाहरूको उद्धार हुन सकेको छैन ।
सोमबार बिहान ११:३० बजे उक्त स्थानमा पहिरो झरेको थियो । हिमपहिरोमा फसेकाहरूको उद्धारका लागि हेलिकप्टर मनास्लुतर्फ गइसकेको भएपनि उद्धार कठिन भइरहरहेको हो । उद्धारमा खटिएका प्रहरीका अनुसार हिमपहिरोमा नेपालीसहित कम्तीमा ८ जना आरोही फसिरहेको छ ।
यस पटक शरदयामका लागि ८ हजार मिटर भन्दा अग्ला तीनसहित १५ वटा हिमाल आरोहण गर्न शुक्रबारसम्म पर्यटन विभागले ५ सय ५ जना विदेशीलाई अनुमति दिएको छ । शुक्रबारसम्म १५ हिमाल आरोहणका लागि ५८ वटा आरोहण दलमा १ नेपालीसहित ५ सय ६ जनालाई अनुमति जारी गरिएको छ ।
विभागका अनुसार, यी आरोहण दलमा १ सय २३ महिला र ३ सय ८३ पुरुषसहित ५ सय ६ जना सदस्य रहेका छन् । यसपटक सबैभन्दा धेरै गोरखाको मनास्लु हिमाल आरोहण गर्न ३८ वटा अरोहण दललाई अनुमति दिइएको छ । यसमा ९७ महिला र ३ सय ७ पुरुषगरी ४ सय ४ सदस्य छन् ।
प्रतिक्रिया