NepalWatch

News Portal For Eeverything In Nepal from Nepal

२०७९ मंसिर १५ गते

क्रिकेटर सन्दीप लामिछाने आज नेपाल फर्किंदै

काठमाडौ । एक नाबालिक किशोरी बलात्कार गरेको आरोप लागेका क्रिकेटर सन्दीप लामिछाने आज स्वदेश फर्किंदै छन् ।

उनी कतार एयरवेजको उडानबाट बिहीबार बिहान १० बजे त्रिभुवन अन्तर्राष्ट्रिय विमानस्थलमा आइपुग्ने छन् । यसअघि असोज १५ गते सामाजिक सञ्जालमार्फत उनले बिहीबार नेपाल फर्किएर प्रहरीसमक्ष आत्मसमर्पण गर्ने घोषणा गरेका थिए ।

स्वदेश फर्किन लागेको जानकारी नेपाल प्रहरीलाई पनि दिइसकेको उनले उल्लेख गरेका छन् । उनी विदेशमै रहेको बेला गत भदौ २१ गते ती किशाेरीले  उनी विरुद्ध  महानगरीय प्रहरी वृत्त गौशलामा जाहेरी दिएकी थिइन् ।

उनी विरुद्ध अन्तर्राष्ट्रिय प्रहरी संगठन इन्टरपोलले डिफ्युजन नोटिस जारी गरेको थियो । सन्दीप सीपीएलको सिलसिलामा वेष्ट इन्डिज गएका थिए। नेपाली क्रिकेटका कप्तानसमेत रहेका उनलाई जिल्ला अदालत काठमाडौंले पक्राउ पुर्जी जारी गरे लगत्तै नेपाल क्रिकेट संघ (क्यान)ले निलम्बन गरेको थियो।

 

ताजा अपडेट

नेपालवाच विशेष