काठमाडाैं । ह्वावे नेपालले यस वर्षको सीड्स फर द फ्युचर सबै आइसिटी सम्बन्धित विषयका स्नातक तहका विद्यार्थीहरूका लागि रहेको ग्लोबल फ्ल्यागशिप सिएसआर कार्यक्रम समापन गरेको छ ।

कार्यक्रम पहिलो पटक थाइल्याण्डमा २००८ मा सुरु भएको थियो । त्यस लगाएत १३० भन्दा बढी देश र क्षेत्रका १२,००० भन्दा बढी विद्यार्थीहरूले कार्यक्रममा भाग लिएका छन् ।

यस वर्ष नेपालभरबाट २५६ आवेदन प्राप्त भएको कम्पनीले जनाएको छ । त्यसपछि प्राडा शशिधर राम जोशी, प्रा. तिमिला यमी थापा, प्राडा सुवर्ण शाक्य र प्राडा मनिष पोखरेलले लिएको जिपिए, प्रेरणा पत्र र छनोट अन्तर्वार्ताका आधारमा ७ जना विद्यार्थी छनोट भएका थिए । नेपालबाट छनोट भएका ७ विद्यार्थी यी हुन् :

निर्माण खड्का – काठमाडौं विश्वविध्यालय

बंशज पौडेल- मदन भण्डारी मेमोरियल कलेज)

जतिन भुसाल- ख्वोपा ईन्जिनियरिङ कलेज

रीया बैद्य- पुल्चोक क्याम्पस

नदिका पौडेल-पुल्चोक क्याम्पस

प्रज्ञा मल्लिक- काठमाडौं विश्वविध्यालय

अजु तामाङ्-अमृत साइन्स क्याम्पस

जुलाईमा छनोट भएदेखि विद्यार्थीहरूले विभिन्न संलग्नताहरूमार्फत नेपालको आइसिटी उद्योगमा इन्साइट प्राप्त गरे । विद्यार्थीहरूले नेपालमा डाटा सेन्टर ब्यापारसम्बन्धी कक्षाहरू लिए । डिशहोमका कार्यालयहरूमा गएर एफटिटीएच इन्टरनेटले कसरी काम गर्छ भन्ने कुरा सिके र काठमाडौंको चाइना कल्चर सेन्टरमा भएको चाइनिज क्यालिग्राफी र चाइनिज पेपर कटिङ वर्कशपमा भाग लिए । युनेस्कोले संगठनको ‘The Next 50 अभियानको एक हिस्साको रूपमा विद्यार्थीहरूलाई पनि संलग्न गराउँदै आएको छ ।

विद्यार्थीहरूले अगस्ट १९ देखि अगस्ट २७ सम्म बैंककमा आयोजित पहिलो क्षेत्रीय अनसाइट कार्यक्रममा भाग लिएका थिए जहाँ उनीहरूले मेटाभर्स, छन्, ५जी, एआइ कम्प्युटिङ, डिजिटल पावर र अन्य इमर्जिंग प्रविधिहरूका बारेमा सिकेका थिए र छन् का व्यावहारिक एप्लिकेसनहरू हेर्नुका साथसाथै १६ देशका ११६ विद्यार्थीहरूसँग क्रस-कल्चुरल शिक्षामा पनि सहभागि भएका थिए ।

उनीहरूले ‘Tech4Good’ प्रतियोगितामा भाग लिए जहाँ उनीहरूलाई रीयल-वर्ल्ड वातावरणीय वा सामाजिक समस्याहरू विरुद्ध लड्न मौलिक विचारको साथ आउन आवश्यक थियो । क्लाउड, ब्क्ष् र ब्लकचेन प्रविधि प्रयोग गरेर नक्कली औषधि पत्ता लगाउनको लागि अद्वैत, वान-स्टेप सोलुसनको आफ्नो विचार पनि प्रदर्शन गरे ।

कार्यक्रममा सञ्चार तथा सूचना प्रविधि मन्त्रालयका सहसचिव अनिलकुमार दत्तले समापन समारोहमा सहभागी हुन पाएकोमा र प्रतिभाशाली विद्यार्थीलाई भेट्न पाएकोमा खुशी व्यक्त गरे । उनले युवामा लगानी गरेर भविष्यमा लगानी गरिरहेको बताउँदै विद्यार्थीले नेपालमा आफ्नो करियर अगाडि बढाउने विश्वास व्यक्त गरे ।

छनोट समितिका सदस्यहरूले थाइल्यान्डमा विद्यार्थीहरूको उपलब्धिमा गर्व व्यक्त गरे । प्रा.डा शशिधर राम जोशीले सीड्स फर द फ्युचर कार्यक्रममा छनोट भएकोमा विद्यार्थीहरुलाई बधाई दिए । थाइल्यान्ड र सिंगापुरमा भएको ज्ञान आदानप्रदान सेसनले उनीहरूलाई आफ्ना विचारहरू प्रस्ट्याउन मद्दत गरेको र उनीहरू भविष्यका उद्यमी बन्न सक्ने उनले आशा व्यक्त गरे ।

प्रा. तिमिला यामी थापाले सीड्स फर द फ्युचर विद्यार्थीका लागि आफ्नो प्रतिभा र सीपलाई परिष्कृत गर्ने ठूलो अवसर भएको बताए ।

ह्वावे नेपालका प्रमुख कार्यकारी अधिकृत विलियम चाङले ह्वावेले प्रतिभाशाली विद्यार्थीहरूलाई अन्तर्राष्ट्रिय एक्सपोजर र सिकाइको लागि प्लेटफर्म उपलब्ध गराउन सक्षम भइरहन चाहेको बताए ।