काठमाडौं । प्रभु बैंक र क्यापिटल मर्चेण्ट बैंकिङ एण्ड फाइनान्सबीच हुने भनिएको एक्विजिसन (प्राप्ति)को प्रक्रिया पूर्ण रुपमा अन्त्य भएको छ ।

फाइनान्स र बैंकको प्राप्ति गर्ने विषयमा समझदारी पत्रमा हस्ताक्षर भइसकेको थियो । बैंकका अनुसार फाइनान्सको १ गतेको पत्रबाट सबै प्रक्रिया स्थायी रुपमा नै स्थगित गरी संयुक्त मर्जर प्रकृया तथा एक्विजिसन समिति समेत भंग गर्न अनुरोध गरेको थियो । त्यही पत्रअनुरूप बैंकको मंसिर ८ गते बसेको सञ्चालक समितिको बैठकले फाइनान्सलाई प्राप्ति गर्ने सम्बन्धमा अघि बढाएको सबै प्रकृया अन्त्य गर्ने निर्णय गरेको बैंकले जनाएको छ ।