NepalWatch

News Portal For Eeverything In Nepal from Nepal

२०७९ माघ १६ गते

एमसीसी सम्झौताअनुसार प्रशारण लाईन बनाउन ठेक्का आह्वान

काठमाडौं । मिलेनियम च्यालेन्ज एकाउन्ट (एमसीए) नेपाल ले विद्युत प्रसारण लाइनको ठेक्का आह्वान गरेको छ ।

नेपाल सरकार र अमेरिकाको मिलिनियम च्यालेन्ज कर्पोरेसनबीच २०८० को साउन देखि आयोजना कार्यान्वयन गर्ने सहमति भएअनसार टेन्डर आह्वान भएको हो । ४०० किलोभोल्ट (केभी) क्षमताको करिब तीन सय १५ किलोमिटर लामो विद्युत प्रसारण लाइन तथा तीन वटा ४०० केभी क्षमताका सब–स्टेसन निर्माण गर्न एमसीए नेपालले टेन्डर आह्वान गरेको हो ।

लप्सीफेदी–रातमाटे–हेटौंडा ११७ किलोमिटर, रातमाटे–न्यू दमौली ९० किलोटिमर र न्यू दमौली–न्यू बुटवल ९० किलोमिटरको खण्डको ठेक्का भएको छ ।

न्यू दमौली–न्यू बुटवल ९० किलोमिटर खण्ड बनाउनेले न्यू बुटवलदेखि भारतीय सीमासम्म बनाउने गरी ‘अप्सन’मा राखिएको एमसीए नेपालका प्रवक्ता राजीव दाहालले जानकारी  दिए । टेन्डर प्रक्रिया पुरा गर्न करिब १८० दिनको समय लाग्ने छ । नेपाल सरकार र अमेरिकाको मिलिनियम च्यालेन्ज कर्पोरेसनबीच अगस्ट २०२३ देखि ५ वर्षको अवधि राखेर आयोजनाको निर्माण सुरु गर्ने समझदारी भइसकेको छ ।

ताजा अपडेट

नेपालवाच विशेष