अन्ततः सुनसरी–४ मा सञ्चार मन्त्रीकै पल्लाभारी, कुश्यैत पराजित
सुनसरी । सुनसरी–४ बाट सञ्चार मन्त्री ज्ञानेन्द्रबहादुर कार्कीले निकै कठिनपूर्ण जित निकालेका छन् । निकै कडा प्रतिस्पर्धामा कार्कीले एमालेका जगदीश कुश्यैतलाई रोक्दै संसदको यात्रा तय गरेका हुन् ।
निर्वाचन अधिकृतको कार्यालयका अनुसार, कार्की ११२ मतको अन्तरमा विजयी भएका छन् । कार्कीले ३० हजार ४८३ मतसहित जित दर्ज गराउँदा ३० हजार ३७१ मतमा रोकिएर स्तब्ध भए ।
मंसिर ४ मा निर्वाचन सम्पन्न भएको केही समयपछि यहाँको मतगणना सुरु गरिएकोमा विवादपछि स्थगित हुन पुगेको थियो । आपसी सहमतिमा विवाद निरूपण भएपछि थालिएको गणनाको अन्तिम परिणाम निर्वाचन सकिएको ११ दिनपछि सार्वजनिक भएको हो ।
योसँगै कार्कीको संसदीय यात्राले निरन्तरता पाएको छ । मौजुदा मन्त्रिपरिषद्का केही सदस्यको संसदीय यात्रामा ब्रेक लागिरहेका बेला कार्कीले भने कठिन जित निकाल्दै यात्रा तय गरेका छन् । कार्की देउवाका विश्वासपात्र मानिन्छन् ।
ताजा अपडेट
-
गृहमन्त्रीको एक्सनः कांग्रेस सांसद दीपक खड्काको रेष्टुरेन्ट र पार्टी प्यालेस सिल
-
सहसचिव तामाङ ५० हजार धरौटीमा छुटे
-
त्रिभुवन विमानस्थलको विमानमा एक किलो सुन भेटियो, तस्कर फरार !
-
सेटिङ मिलाएर घुस खाने प्रहरीलाई चार महिना कैद
-
छोटुलाल शर्माको इमान्दारीताः जसले बाटोमा भेटाएको १७ लाख प्रहरीलाई बुझाए
प्रतिक्रिया