NepalWatch

News Portal For Eeverything In Nepal from Nepal

२०८० चैत १५ गते

ऋतिकलाई ‘रिप्लेस’ गर्दै केजिएफ स्टार यशले रावणको भूमिका निभाउने

एजेन्सी । रामायणको कथामा बन्न गइरहेको माइथोलोजिकल फिल्ममा बलिउड अभिनेता ऋतिक रोशनलाई केजिएफ स्टार यशले ‘रिप्लेस’ गरेका छन् ।

फिल्ममा रावणको भूमिकाका लागि सुरूमा ऋतिकलाई प्रस्ताव गरिएको थियो । तर अब उक्त भूमिका यशले निभाउने भएका छन् ।
बलिउड सञ्चारमाध्यमका अनुसार ऋतिक आफैंले उक्त प्रस्ताव अस्वीकार गरेका हुन् । कारण, नकारामक भूमिकामा गर्न मन नलाग्नू ।

यसअघि प्रदर्शनमा आएको फिल्म विक्रम वेधामा पनि उनले नेगेटिभ भूमिकामा काम गरेका थिए । उनी फेरि त्यस्तो भूमिकामा काम गर्ने निर्णयमा छैनन् ।

ऋतिकले प्रस्ताव अस्वीकार गरेपछि यशलाई उक्त भूमिकामा काम गर्ने अफर गरिएको हो । उनले सहमति जनाएसँगै अब फिल्मको स्क्रिप्ट पनि उनैलाई बुझाइएको छ ।

ऋतिकसँगै फिल्ममा रणबीर कपूरलाई पनि अफर गरिएको छ । रणबीरलाई भगवान् रामको भूमिका निभाउनका लागि प्रस्ताव गरिएको हो । हालसम्म उनले यसबारे केही पनि निर्णय लिइसकेका छैनन् ।

फिल्ममेकर नितेश तिवारी र मधु मन्टेनाले सन् २०१९ मा रामायणको कथामाथि फिल्म बनाउनेबारे आधिकारिक घोषणा गरेका थिए ।