काठमाडौं । राष्ट्रिय स्वतन्त्र पार्टीको सभापतिमा रवि लामिछाने पुनः चयन भएका छन् ।

नागरिकता सम्बन्धी मुद्दामा शुक्रबार सर्वोच्च अदालतको फैसलासँगै उनी सभापति पदबाट मुक्त भएका थिए । उनी पदपुक्त भएसँगै श्रम, रोजगार तथा सामाजिक सुरक्षा मन्त्री डोलप्रसाद अर्याललाई कार्यवाहक सभापतिको पद दिइएको थियो ।

उनलाई आजै पार्टीको केन्द्रीय समितिको बैठकले सभापति चयन गरेको हो ।

अमेरिकी नागरिकता त्यागेपछि नेपाली नागरिकता पुनःप्राप्तको प्रक्रियामा नगएका कारण सर्वोच्चले उनलाई पार्टी सभापति, सांसद र उपप्रधान तथा गृहमन्त्री पदबाट मुक्त गराएको थियो ।