NepalWatch

News Portal For Eeverything In Nepal from Nepal

२०८० चैत १५ गते

कोरोना रोकथाम, नियन्त्रण र उपचारमा मात्रै ३७ अर्ब खर्च

काठमाडाैं । सरकारले कोरोना संक्रमण रोकथाम, नियन्त्रण र उपचारको लागि हालसम्म ३७ अर्ब ३८ लाख ३५ हजार रूपैयाँ बरारबर रकम खर्च गरेको छ ।

महालेखा नियन्त्रक कार्यालयको तथ्यांकअनुसार सरकारले चालु आर्थिक वर्षको ६ महिनामा मात्रै कोरोना संक्रमण रोकथाम, नियन्त्रण र उपचारको लागि ७ लाख ३९ हजार रूपैयाँ खर्च गरेको छ । सरकारले चालु आवमा कोरोना संक्रमण रोकथाम, नियन्त्रण र उपचारको लागि १५ अर्ब ४७ करोड ८६ लाख रकम विनियोजन गरेको थियो ।

सरकारले आव ०७६/७७ मा कोरोना संक्रमण रोकथाम, नियन्त्रण र उपचारको लागि ३ अर्ब ३६ करोड ६७ लाख रूपैयाँ रकम विनियोजन गरेको थियो  । उक्त विनियोजित रकममध्ये २ अर्ब १७ करोड ९५ लाख रूपैयाँ मात्रै खर्च भएको छ ।

त्यस्तै आव ०७६/७७ मा सो विषयमा १७ करोड ४६ लाख रकम छुट्याएकोमा ४२ करोड ७८ लाख रूपैयाँ खर्च भएको पाइएको छ । आव ०७७/७८ मा १६ अर्ब ५८ करोड ८० लाख रकम विनियोजन भएको थियो । उक्त आव सो विषयमा १२ अर्ब ५६ करोड २२ लाख रूपैयाँको खर्च भएको छ ।

त्यसैगरी आव ०७८/७९ मा ३८ अर्ब ९६ करोड २५ लाख बजेट विनियोजन भएकोममा २२ अर्ब २१ करोड ३४ लाख रूपैयाँ खर्च भएको छ ।

ताजा अपडेट

नेपालवाच विशेष