बन्दै नबनेको बाटोको कार्य सम्पन्न प्रतिवेदन बुझाएर भ्रष्टाचार
काठमाडौं । अख्तियार दुरूपयोग अनुसनधान आयोगले बन्दै नबनेको सडकको झुटो कार्य सम्पन्न प्रतिवेदन बनाई भ्रष्टाचार गरेको आरोपमा दुई इन्जिनियरविरूद्ध मुद्दा दायर गरेको छ ।
आयोगले दैलेखस्थित गुराँस गाउँपालिकाका तत्कालिन इन्जिनियर सरोज कुमार दाहाल र सब इन्जिनियर नविन कुमार वि.सीविरूद्ध आज विशेष अदालतमा मुद्दा दायर गरेको हो ।
इन्जिनियर द्वयले मुख्यमन्त्री रोजगार कार्यक्रम अन्गर्तत आर्थिक वर्ष २०७६÷०७७ मा गाउँपालिका वडा नं ६ स्थित निगालपानी रेग बगौरा सडक निर्माणमा रकम हिनामिना गरेको पाइएको छ ।
उनीहरूले आपसी मिलेमतोमा बन्दै नबनेको सडकको झुटो नापी किताब, उपभोक्ता समितिसम्बन्धी बिल र कार्य सम्पन्न प्रतिवेदनसमेत तयार गरी मापदण्ड अनुसार सडक निर्माण भएको विवरण बुझाएको बताइएको छ ।
भ्रष्टाचार निवारण ऐन २०५९ को दफा १९ को उपदफा २ बमोजिमको सजायको मागदाबी सहित उनीहरूविरूद्ध मुद्दा दायर भएको हो ।
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया