मिटरब्याजपीडितले पाए प्रधानमन्त्रीनिवासमा प्रवेश
काठमाडौं । मिटरब्याजपीडितले प्रधानमन्त्रीनिवास बालुवाटारमा प्रवेश पाएका छन् ।
दुई साता पैदलै हिँडेर काठमाडौंमा संघर्षरत मिटरब्याजपीडितले प्रधानमन्त्री पुष्पकमल दाहाल ‘प्रचण्ड’सँग भेट्ने आकांक्षा राख्दै समय मागेका थिए । त्यसका लागि तयार भएर प्रचण्डले शनिबारको समय दिएपछि उनीहरू आफूमाथि भएका अन्याय सुनाउन प्रधानमन्त्रीनिवास पुगेका हुन् ।
प्रधानमन्त्री प्रचण्डको सचिवालयले मिटरब्याजपीडितले प्रधानमन्त्रीसँग भेट्ने इच्छा राखेपछि बालुवाटार बोलाइएको जनाएको छ ।
पहिलो पटक प्रधानमन्त्रीनिवासभित्रै प्रवेश पाएका उनीहरूले मिटरब्याजीविरुद्ध नाराबाजी गर्दै आफूहरूलाई न्याय दिन माग गरेका छन् ।
मिटरब्याजीले चर्को ब्याज लिएर घर न घाटको बनाएको भन्दै पीडितहरू संघर्षमा उत्रिएपछि सरकारले मिटर ब्याजमा रकम दिनुलाई अपराध ठहर्याउने गरी कानून संशोधनको तयारी गरेको छ । यसबारे मन्त्रिपरिषद्बाट निर्णय नै गराइसकेको सरकारले समस्या समाधानका लागि वार्ता टोलीसमेत गठन गरेको छ । टोलीले शुक्रबार मात्रै पीडितसँग पहिलो चरणको वार्ता गरेको छ । टोलीका एक सदस्यले शनिबार पुनः वार्तामा बसेर छलफल अघि बढाउने सहमति भएको जानकारी दिए ।
ताजा अपडेट
-
ग्लोबल आइएमई बैंकको नयाँ एक्सटेन्सन काउन्टर तुल्सीपुरस्थित मालपोत कार्यालयमा
-
धनुषामा मोटरसाइकलको ठक्करबाट पैदलयात्रीको मृत्यु
-
तोलामा सात सयले बढ्यो सुनको मूल्य, कतिमा हुँदैछ कारोबार ?
-
विश्व हिन्दु महासंघद्वारा अधिवक्ता खड्का सम्मानित
-
तनहुँमा सात दशमलव पाँच किलोमिटर सडक कालोपत्र
प्रतिक्रिया