नेपाल वाच/२३ दिनदेखि अनसनरतः डा. गोविन्द केसीलाई सरकारी टोलीले अनसन तोड्न आग्रह गरेको छ । शिक्षासचिव गोपीनाथ मैनालीसहितको ३ जनाको टोली आमरण अनसनरतः केसीलाई भेट्न शिक्षण अस्पताल पुगेको थियो । टोलीले सरकारको तर्फबाट अनसन तोड्न आग्रह गरेको जानकारी दिए । तर, केसीले सरकारी वार्ता टोली गठन भएपछि मात्रै अनसन तोड्ने बताएका छन् । लामो समयसम्म अनसन बसेकाले केसीको स्वास्थ्य स्थित कमजोर बन्दै गएको छ । चिकित्सा शिक्षा सुधारको माग राखी पटकपटक अनसनमा बसे पनि सरकारले आश्वासन दिने तर माग पूरा नगरेको भन्दै केसी नियमित अनसन बस्दै आएका छन् ।