NepalWatch

News Portal For Eeverything In Nepal from Nepal

२०७९ असार १९ गते

महामारीको बेला होटलमा जुवा

जनकपुर । कोरोना महामारीको बेला होटलमा बसेर जुवा खेल्ने ८ जना प्रहरी फन्दामा परेका छन् । जनकपुर उपमहानगरपालिका–४ स्थित डिके होटलमा जुवातास खेलिरहेको अवस्थामा सोही ठाउँ बस्ने ४० वर्षीय गणेशसहित ८ जनालाई नगद १ लाख ६३ हजार ६ सय ६० रुपैयाँ र ३ बुक तास सहित शुक्रबार साँझ प्रहरीले पक्राउ गरेको छ । होटलमा जुवातास खेलिरहेको भन्ने सूचनाको आधारमा जिल्ला प्रहरी कार्यालय धनुषाबाट खटिएको प्रहरीले उनीहरूलाई पक्राउ गरेको हो । पक्राउ पर्नेहरूमा अधिकांश पेशेवर जुवाडे भएको प्रहरीले जनाएको छ । जग्गाको विवादमा ढुंगाले हानेर छिमेकीको हत्या जग्गाको विवादमा विवाद हुँदा काभ्रेमा एक व्यक्तिको हत्या भएको छ । रोशी गाउँपालिका–११ भैंसेडाँडा बस्ने २५ वर्षीय सुब्बा बिसुङ्खेको ढुङ्गा प्रहार गरी हत्या भएको हो । सोही ठाउँ बस्ने २४ वर्षीय सन्तोष नेपालीले उनको हत्या गरेको प्रहरीले जनाएको छ । बिसुङ्खेले सोही ठाउँ बस्ने ५५ वर्षीय खड्ग बहादुर नेपालीलाई बञ्चरो प्रहार गरी गम्भीर घाइते बनाएका थिए । त्यसपछि खड्गबहादुरका छोरा सन्तोषले ढुङ्गा प्रहार गरेका थिए । गम्भीर घाइते भएका बिसुङ्खेको धुलिखेल अस्पतालमा उपचारको क्रममा मृत्यु भएको हो । साथै घाइते खड्ग बहादुरलाई उपचारको लागि हेम्स अस्पताल काठमाडौं लगिएको छ । उनको हेलिकोप्टरबाट उद्धार गरिएको थियो । सन्तोषलाई पक्राउ गरी अनुसन्धान अघि बढाइएको डिएसपी कुमार बिक्रम थापाले बताए ।