काठमाडौं । कोरोना भाइरस (कोभिड–१९) पोजेटिभपछि होम आइसोलेसनमा बसेका क्रिकेटर सन्दीप लामिछाने अस्पताल भर्ना भएका छन् । श्वासप्रश्वासमा समस्या आएपछि लामिछाने काठमाडाैंकाे ह्याम्स अस्पतालमा भर्ना भएका हुन् । नेपाली क्रिकेट टोलीको बन्द प्रशिक्षण सुरु हुनु अघि उनको कोरोना टेस्ट गरिएको थियो । आफूलाई कोरोना पोजेटिभ भएको सन्दीपले सामाजिक संजालमार्फत सार्वजनिक गरेका थिए । केही समय बन्द प्रशिक्षणमा व्यस्त रहेपछि उनको बिगब्यास खेल्न अष्ट्रेलिया जाने तयारी थियो ।तर, कोरोनाका कारण उनी अस्पताल भर्ना हुनु परेको छ । अस्पताल भर्ना भए पनि उनको अवस्था भने सामान्य नै छ ।