NepalWatch

News Portal For Eeverything In Nepal from Nepal

२०७९ असार १३ गते

बार्सिलोनालाई च्याम्पियन्स लिगमा फेरि कठिन टोली

समूह चरणको अन्तिम खेलमा युभेन्टससँग ३–० गोल अन्तरले पराजित भएको बार्सिलोना अन्तिम १६ मा कठिन टोलीसँग परेको छ । गोल अन्तरका कारण उपविजेता बनेको बार्सिलोनाले अन्तिम १६ मा फ्रान्सको पिएसजी प्रतिद्वन्द्वी पाएको हो । पछिल्ला वर्ष बार्सिलोनाले च्याम्पियन्स लिगमा नकअाउट चरणमा प्रभावशाली प्रदर्शन गर्न सकिरहेको छैन । गत वर्ष बार्सिलोना बायर्न म्युनिखसँग लज्जास्पद ८–२ को पराजय बेहोर्दै क्वारफाइनलबाटै बाहिरिएको थियो । पिएसजी गत वर्षको फाइनलिस्ट पनि हो । फाइनलमा पिएसजी बायर्न म्युनिखसँग १–० गोलले पराजित हुँदै उपाधिविहीन बनेको थियो । यो वर्ष मेसीको बार्सिलोना र नेयमारको पिएसजी आमनेसामने हुने भएका हुन् । ड्रमा बायर्नले लाजियो, युभेन्टसले पोर्टो, रियल म्याड्रिडले एटलान्टा प्रतिद्वन्द्वी पाएका छन् ।