विवादकाबीच संवैधानिक परिषदबाट निर्णय गरे संसदीय समितिले फाल्दिन्छ : पौडेल
काठमाडौं । कांग्रेस नेता रामचन्द्र पौडेलले विवादका बीच संवैधानिक परिषद्ले निर्णय गरेर संवैधानिक नियुक्ति गरे संसदीय समितिले फाल्दिने चेतावनी दिएका छन् । सर्वसत्तावादी शैलीमा अध्यादेश आएको भन्दै पौडेलले संवैधानिक परिषद्बाट नियुक्ति गर्न प्रधान्यायाधीशले नै संकोच मान्नुपर्ने पनि बताए । ‘मलाई यो बेलामा परिषद्ले निणय गर्ने धृष्टता गर्दैन भन्ने लाग्छ । अध्यादेशमा यतिधेरै विवाद भएपछि प्रधानन्यायाधीशलाई संकोच लाग्ला । यस्तोमा उनले कसरी निर्णय गर्न सक्छन्’ पौडेलले नेपालवाचसँग भने, ‘विवादास्पद विषयमा जबर्जस्त निर्णय गरे संसदीय सुनुवाइ समितिले नै त्यस्तो निर्णयलाई फाल्दिने छ ।’ अध्यादेशपछि विकसित घटनाक्रमको विषयमा छलफल गर्न कांग्रेसले पदाधिकारी र पूर्व पदाधिकारीको बैठक बोलाएको पनि उनले बताए । ‘अध्यादेशको विरोध गरेपछि हामीले थप छलफल गर्न अाज पदाधिकारी र पूर्व पदाधिकारीको बैठक बोलाएका छौं । यो बैठकपछि कांग्रेस संसदीय दल र केन्द्रीय समितिको बैठक पनि बोलाउन सक्छाैं’ पौडेलले भने, ‘पार्टीका बैठक राखेर हामी अध्यादेश र यसपछिको प्रक्रियाको विरोधमा सशक्त प्रतिवाद गर्छौ ।’ पौडेलले संवैधानिक निकायको नियुक्तिमा कांग्रेस कुनै भागबण्डामा नभएको दाबी गरे ।
ताजा अपडेट
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
-
काठमाडौँ महानगरको श्रम बैंकबाट चार सयभन्दा बढी रोजगार
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
प्रतिक्रिया