काठमाडौं । युरोपा लिग खेलिरहेका युक्रेनका खेलाडीले रुसले आफ्नो देशमाथि गरेको आक्रमणको विरोध जनाएका छन् ।

इटालियन क्लब एट्लान्टाबाट खेलिरहेका युक्रेनी स्ट्राइकर रुस्लान मालिनोभास्कीले युरोपा लिगको खेलपछि गएराति ’युक्रेनमा युद्ध नगर’ लेखिएको टिसर्ट प्रदर्शन गरेका थिए । सो खेलमा उनले २ गोलसमेत गरेका थिए ।

यतिबेला खेलाडीहरूले युक्रेनमाथि भएको आक्रमणको विरोध गरेका छन् । जसमा युरोपेली क्लब र समर्थकहरूको पनि साथ रहेको छ ।

गएराति नै स्पेनिस क्लब बार्सिलोना र नापोलीबीचको खेलपछि दुबै क्लबका खेलाडीले ’युद्ध रोकौं’ लेखिएको ब्यानर प्रदर्शन गरेका थिए ।

रुसको आक्रमणविरुद्ध स्पेनिस क्लबका समर्थकले गरे युक्रेनी झण्डासहित प्रदर्शन

युक्रेनमाथि रुसी आक्रमणको विरोधमा बार्सिलोना र नापोलीका खेलाडीको प्रदर्शन, भने, ‘युद्ध रोकौं’