काठमाडौं । नेपालको शहीद स्मारक ए डिभिजन लिग विजेता मछिन्द्र फुटबल क्लबले आज श्रीलंकन क्लब ब्लु स्टारसँग प्रतिस्पर्धा गर्दैछ ।
यी दुईबीच एएफसी कप छनोट–२०२२ को प्ले अफको प्रतिस्पर्धा हुन लागेको हो ।

मछिन्द्र र ब्लु स्टारबीचको खेल काठमाडौंको त्रिपुरेश्वरस्थित दशरथ रंगशालामा बेलुका ५ बजे सुरु हुनेछ ।

अघिल्लो पटक क्लब लाइसेन्स नभएका कारण छनोट खेल्ने मौका गुमाएको मछिन्द्र पहिलो पटक एएफसी कप छनोट खेल्न लागेको हो ।

मछिन्द्र र ब्लु स्टारको विजेताले दोस्रो चरणमा भारतको मोहन बगानसँग खेल्नेछ । सो खेल अप्रिल १२ मा हुनेछ ।