NepalWatch

News Portal For Eeverything In Nepal from Nepal

२०७९ जेठ ३ गते

मतदानका क्रममा गोरखामा गोली चल्यो, कर्मचारी घाइते

काठमाडौं । स्थानीय तह निर्वाचनका क्रममा गोरखामा गोली चलेको छ । भीमसेन थापा गाउँपालिका २ को ताराखसे मतदान केन्द्रमा गोली चलेको हो । एमाले, कांग्रेस, माओवादी कार्यकर्ताबीच विवाद बढ्दै जाँदा स्थिति तनावग्रस्त बनेको हो ।

अज्ञात समूहबाट गोली चल्दा निर्वाचनका लागि खटिएकी कर्मचारी मनिषा थापालाई गोली लागेको हो । २२ वर्षीया उनलाई घुँडामुनी गोली लागेको प्रहरीको भनाई छ ।

साढे चार बजे यस्तो घटना भएपछि घटनास्थलमा सेनासहितका सुरक्षाकर्मी परिचालन गरिएको छ । मतदान केन्द्रमा ८० जनाभन्दा बढी मतदाता लाइनमा भइरहेका बेला स्थिति तनावग्रस्त बनेको हो ।