काठमाडाैं । स्थानीय तह निर्वाचन अन्तर्गत आधाभन्दा बढी तहको नतिजा आएको छ । ७५३ स्थानीय तहमध्ये आधाजसोको नतिजा आएको हो ।

यो नतिजामा नेपाली कांग्रेस सबैभन्दा अगाडि छन् । १८२ स्थानीय तह जित्ने क्रममा कांग्रेसले ४८ नगरपालिका र १३४ गाउँपालिका जितेको छ ।

दोस्रो स्थानमा रहेको एमालेले २५ नगरपालिका प्रमुख र ८६ गाउँपालिका अध्यक्ष गरी १११ स्थानीय तहमा जित हात पारेको छ ।

माओवादीले ९ नगरपालिका र ६८ गाउँपालिका गरी ७७ वटा स्थानीय जितेको छ ।

नेकपा एकीकृत समाजवादीले ६, जसपाले पाँच र अन्यले ८ स्थानीय तहमा जित हात पारेका छन् ।

अग्रतामा पनि कांग्रेस नै छ । उसले ६४ नगरपालिका र ४९ गाउँपालिकामा अग्रता बनाइरहेको छ । एमालेले ५१ नगरपालिका र ३४

गाउँपालिकाका अग्रता बनाइरहेको छ । माओवादीले १४ नगरपालिका र १९ गाउँपालिकामा अग्रता बनाइरहेको छ ।

महानगरपालिकातर्फ काठमाडौं बाहेक ५ वटैमा सत्ता गठबन्धनका उम्मेदवारले फराकिले मतान्तर बनाउँदै लगेका छन् ।