मेयर शाहले ल्याएको नीति तथा कार्यक्रम पारित
काठमाडौं । काठमाडौं महानगरपालिकाका मेयर बालेन शाहले पेश गरेको आर्थिक वर्ष २०७९-८० को नीति तथा कार्यक्रम पारित भएको छ ।
आज बसेको नगरसभाको ११ औं अधिवेशनले नीति तथा कार्यक्रम संशोधनसहित पारित गरेको हो ।
सभामा मेयर शाहले नीति तथा कार्यक्रममाथि उठेका विषयहरूको जवाफ दिएका थिए । त्यसपछि पारितका लागि निर्णयार्थ पेश गरेका थिए ।
‘सदस्यहरूले दिएका सुझाबहरूलाई ऐन, नियम र कानुनअनुसार यथासम्भव समावेश गरिने छ,’ उनले भने ।
नीति तथा कार्यक्रम गत असार ५ गते ल्याइएको थियो ।
प्रतिक्रिया