बालबालिकालाई आजदेखि कोरोनाविरुद्धको खोप, कतिदेखि कति उमेरसम्मका लगाउन मिल्छ ?
काठमाडौं । पहिलो चरणअन्तर्गत आजदेखि बालबालिकालाई कोरोनाविरुद्धको फाइजर खोप लगाइने भएको छ ।
कोभ्याक्समार्फत अमेरिकाबाट युएस एडको सहयोगमा प्राप्त २२ लाख तीन हजार दुई सय मात्रा फाइजर खोप नेपाललाई प्राप्त भएको छ । त्यही खोप आजदेखि बालबालिकामा लगाउन लागिएको हो ।
स्वास्थ्य तथा जनसंख्या मन्त्रालयले पाँच वर्ष पूरा भई ६ वर्ष लागेको र ११ वर्ष पार नगरेका बालबालिकालाई कोभिड–१९ विरुद्धको खोप लगाउन आग्रह गरेको छ ।
खोप बालबालिका अध्ययनरत विद्यालयमै लगाउने प्रबन्ध मिलाइएको छ ।
पहिलो चरणअन्तर्गत आजबाट १५ असारसम्म काठमाडौंसहित २७ जिल्लामा यो खोप लगाउने कार्यक्रम छ । आगामी साउन २ देखि ८ गतेसम्म बालबालिकालाई यो खोपको दोस्रो मात्रा दिइने छ ।
बाँकी जिल्लालाई दोस्रो चरणअन्तर्गत समेट्ने सरकारको तयारी छ । यसका लागि भदौ ५ गतेदेखि ११ गतेसम्म पहिलो मात्रा र भदौ २७ देखि असोज १ गतेसम्म दोस्रो मात्रा खोप दिने योजना छ ।
चिकित्सकहरूले ढुक्क भएर ०.२ एमएलका दरले दुई डोज खोप लगाउन आग्रह गरेका छन् । यो खोपको प्रभावकारिता बालबालिकामा ९१ प्रतिशत देखिएको छ ।
ताजा अपडेट
-
सानिमा बैंकद्वारा १० लाखको दुर्घटना बीमा रकम हस्तान्तरण
-
आइतबारदेखि हात्तीपाइले रोगविरुद्ध औषधि खुवाइने
-
अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
-
रेमिट्यान्सलाई उत्पादनमुखी बनाउन आवश्यक : चेम्बर निर्वतमान अध्यक्ष मल्ल
-
एक किलो सुन र एक करोड बढी रकमसहित सात जना पक्राउ
प्रतिक्रिया