एसिया कप सुपर ४ : भारत र पाकिस्तान भिड्दै
काठमाडौं । युएईमा जारी एसिया कप क्रिकेटमा आइतबार साँझ चिरपरिचित प्रतिद्धन्द्धी भारत र पाकिस्तान भिड्दैछन् ।
भारत समूह एको विजेता बन्दै सुपर चारमा पुगेको हो भने पाकिस्तान सोही समूहबाट उपविजेता बनेको हो ।
खेल दुबई अन्तराष्ट्रिय क्रिकेट मैदानमा नेपाली समय अनुसार साँझ ७:४५ मा हुनेछ ।
भारत एसिया कपको सात पटकको विजेता हो । समूह चरणमा पनि भारतले पाकिस्तानलाई पाँच विकेटले हराएको थियो । भारत आज पनि जित निकाल्दै सुपर चारको यात्रामा सुखद सुरुवात गर्न चाहन्छ ।
अर्कोतिर, दुई पटकको विजेता पाकिस्तान पनि समूह चरणमा लिएको पराजयको बदला लिन चाहन्छ । यी दुई बीचको पछिल्लो पाँच भेटमा भारत हाबी हुँदै आएको छ । पछिल्लो पाँच भेटमा भारत चारपटक विजयी भएको छ ।
पछिल्लो पटक पनि यसै एसिया कपको समूह चरणमा दुई टोलीबीच प्रतिस्पर्धा भएको थियो । जसमा भारतले पाकिस्तानलाई पाँच विकेटले हराएको थियो ।
सुपर चारको पहिलो खेलमा सोमबार श्रीलंकाले अफगानिस्तानलाई चार विकेटले हरायो ।
सुपर चारबाट शीर्ष दुईमा रहने टोली फाइनलमा पुग्नेछन् ।
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
प्रतिक्रिया