काठमाडौं । नेपाल क्रिकेट सङ्घ (क्यान)ले नेपाली राष्ट्रिय क्रिकेट टोलीका कप्तान सन्दीप लामिछानेलाई टिमबाट निलम्बन गरेको छ ।
क्यानका कार्यवाहक सचिव प्रशान्तविक्रम मल्लले आज एक विज्ञप्ति जारी गर्दै सन्दीपलाई निलम्बन गरेको बताएका छन् ।

क्यानको कार्यसम्पादन समितिको निर्णयअनुसार लामिछानेउपर करणी कसुरमा काठमाडौं जिल्ला अदालतबाट पक्राउ पुर्जीसमेत जारी भएको अवस्थामा सङ्घबाट निलम्बन गरिएको विज्ञप्तिमा जनाइएको छ ।

एक १७ वर्षीया किशोरीमाथि बलात्कार गरेको आरोपमा लामिछानेविरुद्ध महानगरीय प्रहरीवृत्त गौशालामा जाहेरी परेको थियो ।

सन्दीपविरुद्ध पक्राउ पुर्जी जारी