NepalWatch

News Portal For Eeverything In Nepal from Nepal

२०७९ असोज १० गते

सामसुङको ग्यालेक्सी ए०४ एस नेपाली बजारमा, कति पर्छ मूल्य ?

काठमाडौं । सामसुङले नयाँ सुविधा र विशेषताको साथ ग्यालेक्सी ए०४ एस मोबाइल नेपाली बजारमा सार्वजनिक गरेको छ । कम्पनीका अनुसार यो फोनले प्रयोगकर्तालाई उत्कृष्ट अनुभव प्रदान गर्ने छ ।

फोटोग्राफीको नयाँ युग, सामसुङको ट्रिपल रियर क्यामेरा रहेको ग्यालेक्सी ए०४एसमा ५० एमपी मेन क्यामरा, २ एमपीको रिफाइन्ड म्याक्रो क्यामरा र २ एमपी को डेप्थ क्यामरा रहेको कम्पनीले बताएको छ । ५ एमपी सेल्फी क्यामराका साथै ग्यालेक्सी ए०४ एस ९० हर्ज रिफ्रेस रेटको साथ ६.५ एचडी र एमोलेड डिस्प्ले रहेको कम्पनीले बताएको छ ।

ग्यालेक्सी ए०४एस मोबाइल एक पटक चार्ज गर्दा २ दिनसम्म टिक्ने ५०००एमएएच ब्याट्री उपलब्ध रहेको कम्पनीको दावी छ ।

कम्पनीका अनुसार ग्यालेक्सी ए०४एस कालो, कपर र हरियो गरी तीन आकर्षक रंगहरूमा उपलब्ध छ । १२८ जीबी रोमसहितको ४जीबी र्‍याम भएको ए०४एसको मूल्य २१ हजार ९९९ रुपैयाँ र ६४ जीबी रोमसँग ४ जीबी र्‍याम भएको मोबाइलको मूल्य १९ हजार ९९९ रुपैयाँ रहेको छ ।