उम्मेदवारी मनोनयन दर्तापछि प्रचण्डले किन भेटे गठबन्धनका शीर्ष नेताहरू ?
काठमाडौं । माओवादी केन्द्रका अध्यक्ष पुष्पकमल दाहाल प्रचण्डले सोमबार विहानैदेखि चुनाव लक्षित छलफल सुरू गरेका छन् ।
आइतबार पूर्वप्रधानमन्त्री डा. बाबुराम भट्टराई र वरिष्ठ नेता नारायणकाजी श्रेष्ठलाई दायाँ–बायाँ राखेर प्रतिनिधिसभा सदस्यका लागि आफ्नो उम्मेदवारी दर्ता गराएका थिए ।
उम्मेदवार मनोनयन दर्ता गराएका प्रचण्डले बिहान माओवादी गोरखा र स्थानीय जनप्रतिनिधिबाट छलफल प्रारम्भ गरेका हुन् । त्यसपछि उनले गठबन्धन दलका नेताहरूसँग छलफल गरेका थिए । छलफलमा प्रचण्डले त्यहाँको बस्तुगत अवस्था, चुनावी रणनीति लगायत विषयमा प्रचण्डले चासो राखेको माओवादी गण्डकीका इन्चार्ज हितराज पाण्डेले जानकारी दिए ।
छलफलमा प्रतिनिधि सभातर्फ गोरखा क्षेत्र नम्बर १ का कांग्रेसका उम्मेदवार राजेन्द्र बजगाईं, प्रदेश सभातर्फ उम्मेदवारसमेत रहेका कांग्रेस केन्द्रीय सदस्य सुरेन्द्रराज पाण्डे र कांग्रेस जिल्ला सभापति नन्दप्रसाद न्यौपाने सहभागी रहेका थिए ।
त्यस्तै माओवादीबाट प्रदेश सभा उम्मेदवार कृष्ण धिताल र नेपाल समाजवादी पार्टीका फणिन्द्र देवकोटालगायत पनि छलफलमा सहभागी रहेको थिए । सबैसँग सामुहिक भेटघाट गरी उनी अहिले काठमाडौं फर्किएका छन् । यसअघि गृह जिल्ला चितवन ३ बाट उम्मेदवारी दिने घाेषणा गरेका प्रचण्डले अन्तिम समयमा गाेरखा २ राेजेका थिए ।
ताजा अपडेट
-
अफगानिस्तानमा उच्च वर्षापछिको बाढीले ७० विद्यालय तथा मदरसा क्षतिग्रस्त
-
सानिमा बैंकद्वारा १० लाखको दुर्घटना बीमा रकम हस्तान्तरण
-
आइतबारदेखि हात्तीपाइले रोगविरुद्ध औषधि खुवाइने
-
अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
-
रेमिट्यान्सलाई उत्पादनमुखी बनाउन आवश्यक : चेम्बर निर्वतमान अध्यक्ष मल्ल
प्रतिक्रिया