काठमाडौं । ट्विटरका भेरिफाइड एकाउण्ट (संकेत चिह्न नीलो रंग भएका) ले अब मासिक शुल्क तिर्नुपर्ने भएको छ । ट्विटरको स्वामित्व लिएलगत्तै एलन मस्कले ट्विटरको नीतिमाथि पहिलो पटक परिमार्जन गर्दै यस्तो व्यवस्था गरेका हुन् ।

मस्कले एक ट्विट गर्दै अब भेरिफाइड एकाउण्टले मासिक ८ डलर शुल्क तिर्नुपर्ने जनाएका छन् ।

मस्कले सुरुमा यसका लागि मासिक २० डलर प्रस्ताव गरेका थिए । सबै प्रयोगकर्ताको क्रय शक्तिले यो शुल्क थेग्न नसक्ने निचोडपछि ८ डलर कायम गरिएको हो ।

मस्कका अनुसार, आगामी दिनमा शुल्क बुझाउनेले विज्ञापन गर्ने, भिडियो पोस्ट् गर्नेलगायत सुविधा पनि पाउनेछन् । यसबाट ट्विटर र कन्टेन्ट निर्माता दुवैलाई सहयोग पुग्ने उनको विश्वास छ ।