काठमाडौं । पोर्चुगलका स्टार खेलाडी क्रिष्टियानो रोनाल्डोपछि उरुग्वेका फरवार्ड लुइस सुआरेज पनि नयाँ क्लबमा अनुबन्धित भएका छन् ।

उरुग्वेको नासिनल डी फुटबल क्लब छाडेपछि कतै पनि आबद्ध नरहेका सुआरेज ब्राजिलियन क्लब ग्रिमियोमा अनुबन्धित भएका हुन् ।

सुआरेजलाई आफ्नो क्लबमा अनुबन्ध गरिएको ग्रिमियोले शनिबार जनाएको छ ।

सुआरेजले आगामी दुई वर्ष ग्रिमियोका लागि खेल्नेछन् ।

भूमिकाविहीन स्टार खेलाडीहरू धमाधम क्लबमा अनुबन्धित हुन थालेका छन् । यसअघि पोर्चुगलका स्टार खेलाडी रोनाल्डोले साउदी क्लबसँग सम्झौता गरेका थिए ।