काठमाडौं । निवर्तमान उपप्रधान तथा गृहमन्त्री रवि लामिछाने नागरिकता लिन जिल्ला प्रशासन कार्यालय काठमाडौं पुगेका छन् ।

शुक्रबार सर्वोच्च अदालतले उनले अमेरिकी नागरिकता त्यागेपछि नेपाली नागरिकता पुनःप्राप्तीको प्रक्रिया नअपनाएको भन्दै उनको सांसद पद खारेज गरेको थियो ।

सांसद पद खारेज भएसँगै मन्त्री पद तथा राष्ट्रिय स्वतन्त्र पार्टीको सभापतिबाटसमेत हटेका उनी आज नागरिकता लिन जि.प्र.का पुगेका हुन् ।