काठमाडौं । पछिल्लो समय बच्चादेखि वृद्दावृद्दासम्मले रूचाएको एप्स हो टिकटक । टिकटकबाट कोही न कोही व्यक्ति भाइरल (चर्चित) भइरहेका हुन्छन् ।

यस्तै पछिल्लो समय टिकटकबाटै भाइरल भएकी एक सुन्दरी हुन् मिस पबी । टिकटकमा ‘मिस पबी’ नामले चर्चित पवित्रा शाखी अहिले टिकटकबाट चर्चित हुँदै म्युजिक भिडियोमा व्यस्त देखिन थालेकी छिन् । साथै विभिन्न विज्ञापनमा पनि देखिन थालेकी छिन् ।

डडे’ल्धुराको अमरगढी नगरपालिका ८ लटौलीकी मिस पबी डडेल्धुरी भाषामा बोलेका भिडियोले भाइरल भएकी हुन् । अहिले म्युजिक भिडियोका साथसाथै विज्ञापन, विभिन्न टेलिसिरियलमा समेत उनलाई अफर आउन थालेको छ ।

यस्तैमा अब उनी नेपालको चर्चित टेलिसिरियल ‘मेरी बास्सै’मा देखिने भएकी छिन् । त्यसका लागि उनले दुइटा एपिसोड सकाइसकेकी छिन् । मेरी बास्सैमा निरन्तर र नदेखिने भन्ने कुरामा भने उनले आफूमा निर्भर हुने बताइन् । म्युजिक भिडियो र अन्य सिरिजमा पनि समय दिनुपर्ने भएकाले त्यसमा समय दिन सकेको खण्डमा मात्रै सिरियलमा नियमिता हुने नभए नहुने उनले जनाइन् ।