एजेन्सी । हिंडनवर्गको रिर्पोटपछि अडानी समूहको सेयरमा दिनप्रतिदिन भारी गिरावट हुने क्रम जारी छ । अडानी समूहको सेयर यति धेरै घटेका छन् कि उनीहरूले आफ्नो ५२ हप्ताको उचाइमा फर्कन ४०० प्रतिशतसम्म उकालो लाग्नुपर्ने स्थिति भइसकेको छ ।

हिंडनवर्गको प्रतिवेदनपछि अडानी समूहको सेयरमा सुरु भएको गिरावटको प्रक्रिया अहिले नै रोकिने देखिएको छैन । सेयर घटेका कारण कम्पनीको बजार पुँजीकरण (एमक्याप) समेत घटेको छ । जसका कारण गौतम अडानीको नेटवर्थमा पनि ठूलो गिरावट आएको छ ।

कुनै समय विश्वको दोस्रो धनी व्यक्तिको हैसियतमा रहेका गौतम अडानीको सम्पत्ति अहिले ५० अर्ब डलरमा झरेको छ ।

अडानी ग्रीन इनर्जीको सेयर सोमबारको कारोबारमा ५९७.५० रुपैयाँको न्यून बिन्दुमा पुगेको छ । यस मूल्यमा, सन् २०२२, अप्रिल १९ मा यसको  ५२ हप्ताको उच्च ३०४८ पुन: दावी गर्न स्टकलाई ४१० प्रतिशतको जम्प चाहिन्छ ।

अडानी ट्रान्समिसन ८७५.०५ रुपैयाँमा न्यून पुगेको छ । अब सेप्टेम्बर १६, २०२२ सम्ममा ४२३८.५५ रुपैयाँको ५२ हप्ताको उच्चमा पुग्न स्टकलाई ३८४ प्रतिशतको उछाल चाहिन्छ।