प्रचण्डले जनताको विश्वास गुमाइसके, अब विश्वास गर्ने ठाउँ छैन : वैद्य
काठमाडौं । नेकपा (क्रान्तिकारी माओवादी)का महासचिव मोहन वैद्यले प्रधानमन्त्री पुष्पकमल दाहाल प्रचण्डले जनताको विश्वास गुमाएको जिकिर गरेका छन् ।
इच्छुक सांस्कृतिक प्रतिष्ठानले आइतबार काठमाडौंमा आयोजना गरेको कार्यक्रममा महासचिव वैद्यले राजनीतिमा कहिँ नभएको विचित्रको लिला प्रचण्डले देखाएकाले विश्वास गर्ने ठाउँ नभएको आरोप लगाए ।
‘चुनावमा जाने बेलामा ओलीले संविधान खत्तम पारे भनेर कांग्रेससहितका दलहरूसँग गठबन्धन गरे । निर्वाचन पछि ओलीकै शरणमा परेर सरकार बनाए । ल भन्नोस् त, यहाँ भन्दा विचित्र के हुन्छ ? ओलीसँगको सम्बन्ध टिकाउन नसकेर फेरि कांग्रेसतिर लागे। राजनीतिमा लिला भइसक्यो भन्नुस् । यस्तो चालले अब चल्नेवाला छैन । जनताले विश्वास पनि अब गर्नेवाला छैनन्’, उनले भने ।
उनले कार्यपालिका, न्यायपालिका, व्यवस्थापिकालगायतका सत्ता र त्यसका अवयवहरु ‘मरेको लास’जस्तै अवस्थामा पुगेको टिप्पणी गरे ।
प्रतिक्रिया