काठमाडौं । मैत्रीपूर्ण फुटबल खेलमा दक्षिण कोरियाको पोस्टमा ब्राजिलले झण्डै आधा दर्जन गोल हानेको छ ।

केहीबरअघि सम्पन्न खेलमा घरेलु टोली दक्षिण कोरियालाई ब्राजिलले ५–१ गोल अन्तरले हराएको हो ।

ब्राजिलको जितमा नेयमारले दुई तथा रिचार्लिसन, फिलिप काउटिन्हो र गाब्रियल जेससले एक–एक गोल गरे । नेइमारले दुवै गोल पेनाल्टीमा गरेका हुन् ।

ब्राजिलले एक गोलको अग्रता लिएको अवस्थामा ह्वाङ वि जोले गोल गर्दै दक्षिण कोरियालाई खेलमा फर्काएका थिए । तर, पछि ब्राजिलले चार गोल गर्दै सहज जित निकालेको हो ।

फिफा वरीयताको शीर्ष स्थानमा रहेको दक्षिण अमेरिकी टोली ब्राजिल विश्वकप तयारीका लागि अहिले एसिया भ्रमणमा छ। अब उसले जापानसँग अर्को खेल खेल्दैछ ।

लण्डनमा अर्जेन्टिना र इटालीबीचको खेल चलिरहँदा बालेन र हर्कको तस्बिर प्रदर्शन – NepalWatch